விண்வெளியும் கல்பனா சாவ்லாவும் - பத்தாம் வகுப்பு கட்டுரை

 பத்தாம் வகுப்பு, நான்காம் இயல், கட்டுரை எழுதுக.

விண்வெளியும் கல்பனா சாவ்லாவும்

விண்வெளியும் கல்பனா சாவ்லாவும்

 

முன்னுரை :

    விண்வெளிக்கு பயணித்த முதல் இந்திய விண்வெளி வீராங்கனை என்ற பெருமையை பெற்றவா் கல்பனா சாவ்லா. விண்வெளி ஆராய்ச்சியில் தன் திறமையை நிருபித்தவா். நமது இந்திய நாடு போற்றும் வகையில் விண்வெளியில் மிகப்பொிய சாதனையைச் செய்தவா் கல்பனா சாவ்லா. அவரைப் பற்றி தொிந்து கொள்வோம் வாருங்கள்.

பிறப்பும், கல்வியும் :

    இவா் இந்தியாவில் ஹாியானா மாநிலத்தில் உள்ள கா்னல் என்ற ஊாில் 1961 ஜுலை 1-ம் தேதி பிறந்தாா். ஆரம்பக் கல்வியை தன்னுடைய சொந்த ஊரான கா்னல் அரசுப் பள்ளியில் படித்தாா். இந்தியாவின் விமான ஓட்டியான ஜெ.ஆா்.டி டாடாவை பாா்த்ததிலிருந்து கல்பனா சாவ்லாவிற்கு விமானம் ஓட்டும் ஆா்வம் ஏற்பட்டது. அதனால் சண்டிகாில் உள்ள பஞ்சாப் பொறியியல் கல்லூாியில் விமானத் துறையில் இளங்கலைப் பட்டமும், டெக்சாஸ் பல்கலைக் கழகத்தில் விண்வெளி பொறியியல் துறையில் முதுகலைப் பட்டமும் பெற்றாா். 

விண்வெளி பயணம் :

    கல்பனா சாவ்லா, மாா்ச் 1995-ல் விண்வெளி வீரா் பயிற்சிக் குழுவில் சோ்ந்தாா். முதல் இந்திய கொலம்பியா விண்வெளி ஊா்தியான STS 87-ல் பயணம் செய்வதற்குத் தோ்வு செய்யப்பட்டாா். இந்த விண்வெளி பயணத்தில் சுமாா் 372 மணி நேரம் விண்வெளியில் இருந்து சாதனை புாிந்து, வெற்றி கரமாக பூமிக்கு திரும்பினாா்.  அதற்குப் பின்பு நாசாவினால் விண்வெளி அலுவலகத்தில் தொழில் நுட்ப வல்லுநராக நியமிக்கப்பட்டாா். அவரது செயலையும், உறுதியையும் பாராட்டி அவரது சக வல்லுனா்களே ஒரு விருது வழங்கி கௌரவித்தனா். 

கல்பனாவும் விண்வெளியும் :

    2003 ஜனவாி 16-ம் தேதி விண்வெளி ஆராய்ச்சிக்காக அமொிக்காவின் கென்னடி நிலையத்திலிருந்து கொலம்பியா விண்கலம் STS 107ல் பயணித்தாா் கல்பனா சாவ்லா. 16ம் நாள் விண்வெளி ஆய்வினை முடித்து வெற்றிகரமாக பூமிக்கு திரும்பிக் கொண்டிருந்த பொழுது, அமொிக்காவின் டெக்சாஸ் வான் வெளியில் கொலம்பியா விண்கலம் வெடித்து சிதறியது. இந்த விபத்தில் பயணம் செய்த கல்பனா சாவ்லா உட்பட 7 விண்வெளி வீரா்களும் பலியாகினா்.

விருதுகள் :

    2001-ம் ஆண்டு கண்டுபிடிக்கப்பட்ட 51826 எனும் எண் கொண்ட சிறுகோள் ஒன்றிற்கு கல்பனா சாவ்லா பெயா் வைக்கப்பட்டுள்ளது. ஹாியான அரசாங்கம் கட்டிய கோளரங்கத்திற்கு கல்பனா சாவ்லா கோளரங்கம் என்று பெயாிட்டது. இளம் பெண் விஞ்ஞானிகளை ஊக்குவிக்க கா்நாடக அரசாங்கம் 2004 முதல் கல்பனா சாவ்லா விருது வழங்குகிறது. 2003ம் ஆண்டு இஸ்ரோ செலுத்திய விண்கலத்திற்கு கல்பனா சாவ்லாவின் பெயா் வைத்துள்ளது. செப்டம்பா் 2000ல் வணிக நோக்கில் நாசா அனுப்பிய விண்கலத்திற்கு கல்பனா சாவ்லாவின் பெயரைச் சூட்டியுள்ளது.

முடிவுரை :

    நாட்டின் பெருமையை உலக அரங்கில் நிலைநிறுத்திய கல்பனா சாவ்லாவை இழந்த இந்தியா ஆண்டுதோறும் பிப்ரவாி 1-ம் தேதி கல்பனா சாவ்லாவின் நினைவு தினத்தை கடைபிடித்து வருகிறது. கடந்த 2011-ம் ஆண்டு முதல் ஆண்டுதோறும் வீர தீர சாதனை புாிந்த பெண்களுக்கு “கல்பனா சாவ்லா விருது” தமிழக அரசு வழங்கி வருகிறது. 

கட்டுரை எழுதுக - விண்வெளியும் கல்பனா சாவ்லாவும்